Itsasoarekin zerikusia duten gaiak era jolasgarri batean landu itzazu. Tailer hauek MATER ontzian eta Pasaian zehar garatzen dira.
Ingurugiro Tailerra:
Itsasora hurbilduz (5-8 urte)
Jolas eta zentzuen bidez itsasoan bizi diren izakiei buruz arituko gara eta baita gure ingurunearen zaintzeak duen garrantziaz ere.
Itsasertzaren esploratzaile(8-12 urte)
Itsasoko izakien bizimodua aztertuko dugu, non bizi diren, zertaz elikatzen diren eta baita ezaugarriak ere, arrain-disekzioa eginez eta elikadura-balio garrantzitsuaz ohartuz.
Itsas ekosistemak (>13 urte)
Itsas organismoen aniztasuna, berezitasunak eta ingurunearekiko dituzten moldaerak ezagutuko ditugu prozedura zientifikoak erabiliz.
(*) Zoologia, ozeanografia eta egokitutako unitate gehiago lantzeko aukera dago ere bai.
Arrantza Tailerra:
Arrainen mundua(8-12 urte)
Arrainak egiten duen ibilbidea aztertuko dugu arrantzaleetatik hasita gure mahaira etorri arte. Arrain mota nagusiak ezberdintzen ikasiko ditugu eta arrain lonjara bisita egingo dugu.
Arrantzan ikasten(>8 urte)
Arrantzale arduratsu bat izateko beharko dugun guztia ikasiko dugu: arrantza motak, arrainen gutxieneko neurriak, arrantza aparailu baten prestakuntza eta zortea badugu baita arrantzatu ere!
Arrantza industria(>13 urte
Arrantza tekniken jasangarritasuna eta gehiegizko ustiapenari buruzko egoera aztertuko dugu: espezie gakoak, salmenta arrain lonjan eta merkaturaketa.
Itsasketa Tailerra:
Boga-boga marinela (6-12 urte)
Orain dela 500 urte gure itsasoan zeuden pirata, kortsario, nabigatzaile handi eta baleazaleei buruz arituko gara, simulazio jolas eta arraunketaren bidez.
Portuko lanetan(8-12 urte)
Pasaiako portuko funtzionamenduaz jabetuko gara bertako langileak elkarrizketatuz eta itsasontzi eta zamalanak jolasen bidez ezagutuz.
Marinela egun batez(>8 urte)
Itsasketarako oinarrizko ezaguerak gureganatuko ditugu itsasontzi barreneko gin-kana dibertigarri baten bidez: itsas korapiloak, segurtasun neurriak, ontziko elementuak …
(*) Euskal Herriko itsas historia, portuak eta ontziei buruzko unitateak lantzeko aukera ere badago.
english